الأربعاء، 22 أبريل 2009

ضـيــعــو هــا

بس لأنها ياسميـــــــــــــنه
ورده في دنيــــــــا الذكور ه
بس لأنها نغمه حلـــــــــوه
تاهـت بجـــمــله نــشــــاز
بس لانها شــــــي مؤنث
قامت الدنيا عليـــــــــهـا
اكسروا قلــــب الجميـــلـه
واحرموها مــــــــن سماها
ضيعوها في حزنهــــــــا
ودمروا مرسى هواهــــــــا
بس لأنها ياسميــــــــــنه
من عطاك الحق يا رمز الفحوله
تـقـتـل الشي الجميــــــــل
منـهو انته يا مذكــــــــــر
تـَحـكم فيـني وتـّحـَكـَــــم
بس لأنــــــي آ دميـــــــــه
يعني حرف الهـــــاء يفصل
بــــــين حيا تــي والمِــنيَـه
وعــجــبــي ؟؟؟؟؟؟؟؟؟؟؟!
.
.
.
بوراشد تحت ظل شجرة الياسمين

الاثنين، 20 أبريل 2009

لا تــصد قـهـا ر ا شــد


قالتله قبل لاتروح
بـتـنـساني
واللي خلقني خلق مثلي
ارواح ياراشد
تلتقي ثم تفترق
اليوم نضحك
وداير كلنا فاني
.
بتنساني رغم الألم
ادري صعبة
والمر بعد الحلا
يقتل
والحلا بعد المر
يحييك من ثاني
.
طبع الزمن يطوي
صفحات يا راشد
وحده تمضي
تنتهي
واللي بعدها تهل
اقدار يا عمري
بنفترق لكن
يمكن نلتقي
تالي
.
بنساج يا كل العمر
يا امل ذيج الليالي
بنساج في كل يوم
الف مره
وبين كل مره
بنساج
عدد ما مرت علينا
ثواني
.
.
بقلم بوراشد المغترب

الأحد، 5 أبريل 2009

بـــنــلـــتــقــي


ناظرتني واضحكت
وانا تعومست وقمت
اتبوسم بلا شعور
اعجبتها لهفتي
واتساع شقة مبسمي
زادت الجيله علي
وقامت تخوزر وتغمز
وانا كل مالي واخدر
ارسلت لي رسالة بالأثير
بالنظر يا راشد بالنظر
هذا طبع المحبين
وهذي طريقتهم من غابر الأثر
الرسالة كانت تقول
وش بقى من روحك من
بعد هالتراشق بالعيون
قلت يا بنيه تمزحين
الروح راحت وما بقى غير
الجسد
قالت آخذها معاي
ولا تبيها ترجعلك بالعجل
تنهدت ومن حرة النسم
الجاي الأخضر قلب فانتا حمر
وبعدها باربع ثواني دخلت
بغيبوبه وصرت بحالة خطر
بس اذكر اني حزتها
ومابين الوعي واللا وعي
طاحت عيوني عليها
وقبل رابع ثواني القدر
ارسلت نظرة سريعه
وبشرتني بهالخبر
محملك بندر على شط البحر
وهذا اشراعي بيلحف مركبك
ينطر هوى روحك
بنلتقي يا بوراشد بنلتقي
شراعي مع هواك
بيبحرون
ساعتها روحك مع روحي
بتجتمع
انت ( ا) هواي وانا شراع رحلتك
والبحر غيبوبتك
وكله يا راشد
بالنظر